品牌故事
用一個杯子，講咖啡故事。
「Tasse」係法文入面嘅「杯」。我哋做嘅每一件事——香港嘅咖啡教室、機構活動團隊、東京嘅烘焙所——都由同一個信念開始：一杯認真沖嘅咖啡，可以將文化、手藝同機會，帶畀任何人。
以教育傳承文化，以專業創造機會。
社會企業
首先，我哋係一間認證社企。
Tasse Coffee 係香港認可社會企業。由創立第一日起，我哋就用咖啡教育開路——為青少年、長者、失業人士同殘疾人士提供技能培訓，仲將部分掛耳包包裝工序交畀社區夥伴，等有需要嘅人有一份可以重新起步嘅收入。咖啡義工隊到而家都keep住落區，服務唔同福利機構。呢啲嘢做起上嚟好慢、唔起眼，但正正係呢間公司存在嘅原因。
- 與僱員再培訓局（ERB）合作提供專業技能課程
- 成立咖啡義工隊，走進院舍及基層社區
- 為長者、SEN 學生、視障人士及少數族裔設計專屬課程
發展里程碑
行過嘅路，同將來嘅方向。
創立 Tasse Coffee Lab
於香港正式成立，建立專業精品咖啡培訓基地，確立「以教育傳承文化」嘅社企使命。
進軍東京，並取得世界排名
於東京新宿高田馬場開設海外烘焙旗艦店；同年首次榮獲 LAGS 認證全球第二、亞洲第一，其後連續三年上榜。
香港「啟點」旗艦店
與香港房屋協會（HKHS）深度合作，進駐大型社區，建立結合專業教育與跨代共融嘅社區咖啡新地標。
背後嘅人
Candice Ng
聯合創辦人・香港
Candice 喺澳洲黃金海岸同墨爾本嘅咖啡店做嘢嗰陣，真正愛上咖啡。返港之後考埋 SCA 咖啡師導師資格，2021 年起擔任僱員再培訓局課程導師，陪住一班搵緊出路嘅學員重新起步。2020 年 10 月，疫情最艱難嗰陣，佢開咗 Tasse Coffee——由一次得兩個學生嘅私人班做起，一步步做到今日嘅培訓校園。
Wing Yuen
聯合創辦人・東京
Wing 讀設計策略出身，香港理工大學設計策略碩士，做過多年數位使用者體驗設計，亦曾創立一個數位聊天平台並成功售予印度科技公司。2015 年轉投精品咖啡，而家長駐東京主理 Tasse Coffee Roastery——每一支豆由選豆、烘焙到杯測評分都親自把關。佢係 SCA 認可導師、CQI Q Instructor、City & Guilds 考官同咖啡比賽感官評審，亦係《The Roasting Bible》系列嘅作者。
東京
由香港，去到高田馬場。
2023 年我哋喺東京開設 Tasse Coffee Roastery——唔止係一間咖啡店，而係一個真正運作嘅烘焙所，兩個城市嘅豆都喺度烘。佢係我哋連結香港同日本咖啡社群嘅橋樑。
東京新宿區高田馬場 1-6-12 地下
國際認證
全港唯一，六大國際咖啡證書。
SCA Premier Training Campus、CQI Q-Grader、City & Guilds、TQUK（受英國 Ofqual 規管，Centre No. 8962779217）、Latte Art Grading System 同 Italian Barista Method——喺同一個校園授課同考試。
品牌家族
同一個 Tasse Coffee，三個專門團隊。
香港咖啡教室、機構活動團隊、東京烘焙所——三個品牌，用同一套豆、同一批導師、同一個標準。
香港咖啡實驗室
個人 SCA 課程、精品豆零售同咖啡器材——一切由葵涌開始。
你而家喺度媒體報道